ದಾವಣಗೆರೆ ಮಹಾನಗರ ಪಾಲಿಕೆಯ ಅಧಿಕಾರ ಕಳೆದುಕೊಂಡ ಕಾಂಗ್ರೆಸ್ !! ಕಾಂಗ್ರೆಸ್ ಭದ್ರಕೋಟೆಯಲ್ಲಿ ಸುಲಭ ಜಯ ಸಾಧಿಸಿದ ಬಿಜೆಪಿ

ದಾವಣಗೆರೆ(ಫೆ. 19): ಅಕ್ರಮ ಮತದಾರರ ಪಟ್ಟಿ ಸೇರ್ಪಡೆ ವಿವಾದದ ಬೆನ್ನಲ್ಲೇ ಇಂದು ನಡೆದ ದಾವಣಗೆರೆ ಮಹಾನಗರ ಪಾಲಿಕೆ ಚುನಾವಣೆಯಲ್ಲಿ ಫಲಿತಾಂಶ ಪ್ರಕಟವಾಗಿದ್ದು, ಪಾಲಿಕೆ ಬಿಜೆಪಿ ವಶವಾಗಿದೆ. ಮೇಯರ್​ ಆಗಿ ಬಿಜೆಪಿಯ ಅಜಯ್​ ಕುಮಾರ್​ ಆಯ್ಕೆಯಾದರು. ಬಿಜೆಪಿ ಬೆಂಬಲಿತ ಪಕ್ಷೇತರ ಸದಸ್ಯೆ ಸೌಮ್ಯಾ ನರೇಂದ್ರಕುಮಾರ್ ಅವರಿಗೆ ಉಪಮೇಯರ್​ ಸ್ಥಾನ ಒಲಿದಿದೆ.

Advertisement

ಚುನಾವಣೆಯಲ್ಲಿ ವಾಮಮಾರ್ಗದಿಂದ ಪರಿಷತ್ ಸದಸ್ಯರನ್ನ ಮತದಾನಕ್ಕೆ ಪ್ರಕ್ರಿಯೆಗೆ ಸೇರಿಸಿಲ್ಲ. ಮೂರು ಜನ ಕಾಂಗ್ರೆಸ್ ಸದಸ್ಯರನ್ನು ಉದ್ದೇಶಪೂರ್ವಕವಾಗಿ ಗೈರು ಮಾಡಲಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿ ಕಾಂಗ್ರೆಸ್​ ಪಕ್ಷ ಮತದಾನ ಪ್ರಕ್ರಿಯೆ ಬಹಿಷ್ಕಾರ ಮಾಡಿತ್ತು. ಇದರಿಂದಾಗಿ ಪಾಲಿಕೆ ಸುಲಭವಾಗಿ ಬಿಜೆಪಿ ವಶವಾಗಿದೆ.

ದಾವಣಗೆರೆ ಮಹಾನಗರ ಪಾಲಿಕೆಯಲ್ಲಿ ಒಟ್ಟು 45 ಸದಸ್ಯರಿದ್ದು ಬಿಜೆಪಿ 17, ಕಾಂಗ್ರೆಸ್ 22 , ಪಕ್ಷೇತರ 5 , ಜೆಡಿಎಸ್​ನ ಓರ್ವ ಸದಸ್ಯರು ಇದ್ದಾರೆ. ಜೊತೆಗೆ, ಜಿಲ್ಲೆಯ ವಿಧಾನಪರಿಷತ್ ಸದಸ್ಯರು, ವಿಧಾನಸಭಾ ಸದಸ್ಯರು, ಸಂಸದರು ಸೇರಿ ಮತದಾನ ಹಕ್ಕು ಹೊಂದಿದ ಒಟ್ಟು ಸದಸ್ಯರ ಸಂಖ್ಯೆ 62 ಇದೆ. ಗೆಲ್ಲಲು ಬೇಕಾದ ಮ್ಯಾಜಿಕ್ ನಂಬರ್ 32 ಇತ್ತು.